الله ياكثر الكلام وأوااه ياكثر الحنين

أحيان ألحقني ملام وأحيان ألحقه السنين

ومابين توديع وسلام أنا أشوف إني إثنين

ماهيب حالة إنفصام إلا سبايب حاجتين

مقام ياطيبه مقام زين نفوس ماتزين

وتغيرات وإنقسام لعبت فـ أبو عقل فطين

حلمت وأنا فالمنام حلمٍ يسر النايمين

إني بعالم الإهتمام عالم يخف به الرزين

والناس في حبي هيام وأشوفني في كل عين

ولي قصر من فوق الغمام والباب عنده حاجبين

ولا أكل إلا من سنام ولا أسمع إلا حاضرين

ولا أقول قول إلا تمام ولا أشور شور إلا سمين

يعاملوني بإحترام وعلى الولاء متعاهدين

ولا حلال ولا حرام الظاهر إنهم مسلمين

وجت ليلة فيها الظلام سكن عيون الساهرين

وجلست جلسة إحتدام مع ضميرٍ لي ذهين

ولا قمت أنا وهو ماقام إلا وحن متفاهمين

وهديت قصر الإهتمام وسكنت لي في بيت طين

ودورت لـ أحبابي الكرام دورت يسار يمين

كأنهم صارو حطام هم مسلمين ولا كافرين

مدري أنا عايش منام ولا أنا عايش يقين