ألا لله شكري وإمتناني
وله كل الفضايل جل شانه
محاسبني على زلة لساني
وحاسب للردي زلة لسانه
رغم ذنوبي إلا إنه عطاني
عطاني عقل مايخسر رهانه
فما بين الجدي وسهيل اليماني
رسمت بنظرة عيوني مكانه
ودون أهل الحكي قفلت أذاني
وغنيت اللحن يادان دانه
قتلت الصبر من شان الأماني
رحل فارس على صهوة حصانه
ولو الحظ والوقت يحداني
أسوق العمر مادور ضمانه
ولا ضاقت على الصدر المحاني
و صار الحزن ماخذها ميانه
فدعاويها عساها للجناني
تذل الحزن فأقوى عنفوانه
اشوف أبوي هو عنتر زماني
وأبوي يشوفني عنتر زمانه
أقدر جرته ماهو تفاني
ولكنه تعب و أدى الأمانه
أحبه حب لأن العمر فاني
ولولا الحب مال العمر خانه
أقدر كل من يتعب عشاني
وأسوي كل ما أقدر عشانه
تعليقات
إرسال تعليق