من يلوم الدموع اللي على الخـد طـاحت

مايعرف أي حاجه عن شعـور القهر

بعد صبـر السنين بروقـها يـوم لاحت

قلت ياجـعل يفداها سنين الصبـر

أزهـرت لي وبعد أسقيتها الحب فـاحت

زهـرة فارقه عن باقيات الزهر

أستحـلت مكانتها رضا وأستباحت

كـل شريـان قاومها لكن ماقـدر

جاورت روح قـلبي سكنتها وأزاحت

كـل هم من أيـام السنين الغبر

وأكتب الله علينا والمواصيل بـاحت

وأنتهت كل حـاجه وأرتضينا القدر

ليت روحي بعد فرقـاي لك أستراحت

وليت روحي معك تقدر تعيش العمر

أعتبرني سحابة صيـف مرت وراحت

مايجي من وراها غير ريحة مطـر