حاولت مع كل الجهات الأربعه .. ولا قويت

أعطيت نفسي فرصه أنسى لكن إني مانسيت

ومن دون ماشعر صرت نسخه منك في كل الصفات

أزعل ليا منك زعلت وأرضى ليا منك رضيت

ومن كثر ماودي حبال الوصل بك ماتنقطع

أحكي ليا منك سكت وأسكت ليا منك حكيت

شاركتك بكل التفاصيل الصغيره لين صرت

أتخيلك في كل شي ولا تخيلتك بكيت

ماكنت أعرف دموع عيني قبل ماعرفك أبد

واليوم صارت دمعتي تنزل بخدي مادريت

كنت أجمل إحساس بحياتي كلها حسيت به

وصرت أسوء إحساس بحياتي كلها منه أنكويت

لا لك ولا لي ذنب باللي صار بس المختصر 

إني بديت الحب بك وبحبك أنا أنتهيت