حاولت قبل أبدا الكتابه
ما أضيع حاجتين
إن الحقايق ماتشابه
أو تكرر مرتين
وحاولت إني ما أجيب
في قصتي كلمة أنا
لأن الأنا تعني الغرور
تعني التعالي والكبر
أصلا أنا كلمه مثيره
ماتقبلها البشر
حتى لو بين السطور
الغرور أسمه غرور
المهم أو الأهم .. إني حزين
والحزن ماجا من عدم
الحزن إنتاج السنين
الحزن كله كلمتين
ضيق صدر ودمع عين
خاطري ضايق ولا أدري ليه
مدري ليه .. المهم إني
أحس أني حزين
ودي أذرف دمعتين
الدمعه الأولى قهر
والدمعه الأخرى أنين
ودي أبكي لي سنين
ودي أبكي ودي أشكي
ودي أحكي ودي أقتل روحي
لين يطلع بوحي
ثمّ أوصيهم بعد موتي
يفكون السجون
ويطلقون همومي
اللي كل ماقالت نوينا بالذهاب
جالها همًّ جديد
وأبتدت قصة عذاب
يوم تهديد و وعيد
ويوم ضيقة, وإكتئاب
خاطري ضايق ولا أدري
ليه مدري ليه
المهم إني أحس
إني حزين
كل ماحسيت للفرحه حنين
قام همي وأنتفض كبر وتعالي
قال ياهموم البشر بالله تعالي
لا تخافو كل أبوكم
كل واحد راح ياخذ له مجالي
والمهم والأهم إني حزين
والحزن ماجا من عدم
الحزن إنتاج السنين
الحزن كله دمعتين
ضيق صدر ودمع عين
خاطري ضايق ولا أدري ليه
مدري ليه
المهم إني أحس إني حزين
تعليقات
إرسال تعليق