حبيبتي ياللي بعد ما جيتي

بالله ما كانك علي أبطيتي

من كثر ما أنا مستعد وجاهز 

فرشت قلبي قبل لا أفرش بيتي

عندي لك علوم وسوالف واجد

ولاني بساكت و لو مليتي

 

بقول لك وشلون عشت لحالي

وعن سواة الخوف في عافيتي

وبعلمك كيف الزمن سوى بي

يوم إن حلمه بس في تاليتي

وبعرفك على جميع أصحابي

على السهر وأشعاري وأغنيتي

قررت أعيشك حلم لين أصحى بك

وأشكي لك بحلمي ولو ماوحيتي

صحيح أنا مدري من إنتي لكن

محتاج لك كل شي من ناحيتي

متى يجي يوم أتصل بك وأسال

وينك وكيف الحال وش سويتي؟