بعد تجارب قلت بسوي أبيات

لكن ماهي بخيار شعري وفكري

أنا صراحه كنت أحب خمس مرات 

مرات كنت أدري ومرات مدري

الأوله حبيتها حب نظرات 

وجاء موعد الرحله وأنا أقول بدري

والثانيه ورى جبال السراوات

من دونها حوشٍ وهوشٍ وجثري 

والثالثه واعدتها بس ماجات

وأنا ورى المقفين ما أسوق عمري 

والرابعه كانت تحب الحركات 

وأنا ذكي لو طال بالوقت صبري 

والخامسه كانت كثيرة سنابات

وقد شافها هندي وسوري ومصري 

حبيت من باب المحبه ملذات 

وكنت أحسب إن مافيه أحد حب كثري 

ومن كثر ماواجهت فالحب صدمات 

ركبت لي إرباق في وسط صدري