سولف علي يامحمد لا تخليني

طواري الليل أنا ماني بقاويها

سولف علي لو تشوف الدمع في عيني

ماعاد لي حيلة فيها وأخفيها

أنا تعودت أحاكيها وتحكيني

ونامت عسى الله يصبرني ويحميها

أنا أحكم الناس لكنها تقديني

وأنا أصعب الناس لكني أداريها

أحبها من شعيرات الشراييني

إلا بدم الشعيرات ومجاريها

إن كانها حلم تكفى لا تصحيني

أنا لو أصحى حياتي كيف بقضيها

في عينها بحر يغرقني وياويني

وفي حضنها حاجة مدري شسميها 

وفي يدينها قلب أم يطمن يديني

وفي ضحكة شفاهها دنيا تحليها