ياوقت أنا طيب وأنا أدري ولكن

ما راح من عمري كثر ما بقى لي

ظنيت خير فـ من أساؤ بي الظن

وأنا ياما منهم بدا ما بدالي

 أنا ماني بمن وأحارب المن

لكن أنا أهوجس وأغني و ألالي

دايم وأنا أضحك للصواديف لا جن

لين الليال السود بلشت بحالي

وأستنشدت عني وقالت هذا من؟

اللي يذوق المر ويقول حالي

أنا الذي صدره حروبٍ تطاحن

وأنا الذي يشقي حياته لـ غالي

وأنا الذي يشتاق ويحب ويحن

ولا يؤمن إن الحب عالم خيالي

لين أنطوى قلبه مثل طية الشن

بعد أنكشف له ما أسترته الليالي

وأنا الذي لا ضاق عن صاحبه كن

حتى ولو ضيقته كبر الجبالي

يدعيني لـ حاجته وأقول دندن

وأنا أدري إن ما وسط جيبي ريالي