قصائد راجح

هنا كان اللقا والمشترى والبيع بعد مابعت لك نفس عزيزه عند راعيها ‏يقولون الهوى ظالم ومن يتبع هواه يضيع ‏وأنا ماضعت غير اللحظه اللي جيتني فيها

ياأم العيون الدعج يخرب بيتش مثل ما إنتي قد خربتي بيتي ‏قبل أمس ماعرف عنش إلا صيتش ولا ادري إنتي رحتي ولا جيتي ‏واليوم حظي ساقني ناحيتش يفداش قلبي كل ماطليتي ‏لاتحسبيني صدق أنا حبيتش  ولا تحسبيني قلت لش تاليتي ‏ماعندي إي إحساس من ناحيتش إلا إني أكبر ليا لديتي ‏تصدقين حلمت إني جيتش وإنتي تبشارتي بي وهليتي ‏وقلتي ياراجح غنّ وغنيتش ‏وإنتي معي على اللحن غنيتي ‏وشقيت لش صدري كذا و وريتش وش صار في دار بها حليتي ‏وطلعتلك قلبي رضا وأهديتش وليتش على قلبي بعد سميتي ‏شبعتش من عروقي ورويتش ولا أدري كيف بي سويتي ‏ولا شعورياً كذا ضميتش وضاع النفس بين النفس وأبطيتي ‏وفجأه أخوي يقولي صحيتك حتى تعرفني على توقيتك ‏ياليتني ياخوي ماخويتك وياليتني كملت نوم وليتي ‏لو كان بيدي من زمان أخفيتش عن العيون اللي قد أستهويتي ‏مسكين من شافش وجا ناصيتش والله لا يونس ماونست قافيتي ‏ياكم من هجوس ليا طريتش وياكم من الأبيات قد سريتي ‏لاتحسبيني صدق إني حبيتش ولا تحسبيني قلت لش تاليتي ‏ماعندي اي إحساس من ناحيتش ‏إلا أني أكبر ليا لديتي ‏علّي ليا أبطت ضيقتش زوايتش ‏وعّلي علاجش ك...

يمرني حزن مدري وش هي أسبابه وتغصني عبره ماني بخابرها ‏وأرفع يديني لمن ماخاب طلابه  ‏واقول يالله ياربي تدبرها ‏وأتذكر إني ماعمري جيت لـ بابه ‏ إلا لـ حاجه ومع ذلك ييسرها

كتبت فـ بحور القصيد إلا على بحر الغـرام ‏أهم به ويهم بي ولا دعاني له سبب ‏لكن هذا اليوم غير اليوم مافيها كلام ‏عـز الله أن راجح على بحر الهوى وأهله كتب ‏أنا حزين وصرت أشوف الشمس في عيني ظلام ‏وأنا وحيد وصرت أشوف الناس من حولي خشب ‏تقاتلت مشاعري من بعد ماعشت بسلام ‏وأحتل قلبي خوف وأوقد له من ضلوعي حطب ‏ماكنت أحسب إني بحب الحب عالم له نظام ‏لكن حصل مالا حسبت حساب له وأصبحت أحب ‏يمرني طيفه وأوقف له تحيه وإحترام ‏و تنقد العالم علي وأردها معهم نشب ‏لا جيت أنام الله من همي ليا من جيت أنام ‏تسري بي هجوسي على ليل العجايب والعجب ‏الله يسامح من تسبب لي ولحقني ملام ‏والله يسامحني  بعد ماكنت أحسب إني ماحب

والله إنّي كنت أحسب إنّي من أول صادق ‏وكنت أحسب إن عقلي الراجح يقدي عيني ‏وأكتشفت اني مع نفسي طلعت منافق ‏يوم صرت أحبها لا شفتها ترضيني

ياخوي وينك تعال أسند علي الثقال ‏وأبشر بي بكل حال جعلني فدا يالعضيد ‏أبعتذر لو قسيت ولا لو إني جفيت روحي فدا لو بغيت جعلي فدا يالعضيد يمكن ماقد قلت لك إنك هنا تمتلك قصر الغلا ياملك جعلي فدا يالعضيد لو الليالي تدور ويصير منك قصور ياخوي فأنت معذور  جعلي فدا يالعضيد ياخوي يامحزمي يامن لحمك لحمي حبك جرى في دمي جعلي فدا يالعضيد روحوله وسالوه منهو بكاء فقد أخوه عن فقد أخوه أنشدوه جعلي فدا يالعضيد

ألا يالزعيم الجديد القديم تجمل تقدم بعزم الرجال ‏كريم وعوايدك دايم كريم ‏وتاريخك الحافل أكبر مثال ‏على كثر ما سمعت كلمة زعيم ‏ما يطري على البال غير الهلال

من دار أخو نوره تحزمت وسريت لدار أخو مريم عسى أيامه سعد ‏كل عام وإنتي فـ سعاده يالكويت ‏واليا دعا داعيك حنا فالوعد

ياصباح الخير يادار الصباح ‏كل عام يعيد عيدك يالكويت ‏الشهادة حق مع هذا الصباح ‏والله إن حبك سكن في كل بيت

فكأنَنـي بالـسيف أضـربُ قـائِلاً الأرضُ أرضـي والزمـانُ زمـانيـه هذا الملك سلمان بن عبدالعزيز يــابــايــعٍ ديــرتــك يـاخــوّانـيـه

ماطيب من العود الأزرق غير إبن زايد اللي تطيب هل الأطياب من طيبه الصادق الطيب المتواضع القايد  الحازم اللي عدا جاره تهذريبه

ياحاسبه تصعب عليك الحسابات ‏اللي بدأ بالطيب حنا نتمه ‏لعيون أبو خالد وشعب الأمارات ‏أخواننا وحزامنا أخوان شمه ‏تنشر لهم من بيض الأفعال رايات ‏وتركز لهم من طيب في كل قمه

تدري وش أجمل صوت تسمعه الأذان صوت المؤذن لأعتلى في المأذنه ‏ينزاح همّي لأرتفع صوت الأذان ‏صوتٍ يدش القلب ما يستأذنه

كنت أتمنى أقابلك ‏واليوم حظي له جميل ‏الله بـــعيني قابلك ‏يــارمــز للشعر الأصيل

على هونك على هونك يابشت العز ‏عــلـيك مـن الكريم الأمــن والآمان ‏عــلــى مـتنه يـشـلّ جـبـال مـاتهتز ‏حـفـيـد مـعـزي محمد ولد سلمان

يــابو فهد كحّل عيونك فيهم ‏وأبشر بهم قــبــل الوعد فزّاعه ‏مــن قبل حــتــى تفكر تناديهم ‏ف عروقهم مكتوب سمع وطاعه

الأمور بخير والدنيا سهاله ‏جعلهم ياضيق صدري فدوة لك ‏لا تضيقها علي مادمت داله ‏خلهم محلهم وأنت بمحلك ‏قد قريت إنه رضا الناس إستحاله ‏فلا تدور شي ماهو حاصل لك ‏أبذل المعروف وأبشر بالجماله ‏وأترك الهراج يبطي ماوصلك ‏ ‏

ياعقلي الباطن ترا العلم ينصاك سياستك هذي ماتسوى ريالين أبوي صادق يوم حرص ووصاك لكن ذاك الوقت ماهوب ذالحين في ذا الزمن ياكم من علوم تخفاك فـ خلك على ما قيل ذيب وحمر عين سولف مع هذا وسولف مع ذاك خل الحقيقه ثلث وأمزح بثلثين أحيان تعصى الوقت وأحيان يعصاك فـ لا تخلف النيه ولا تبتل يمين خلك طليق حجاج لكن حذراك بعض الوجيه أعقد عليها الحجاجين أقدم وسر أحبابك وزعل أعداك ولا تلتفت وابشر بونعم ونعمين حتى ضلالك لا تقدمت يقفاك فلا تخلف النيه ولا تبتل يمين

نارد لعين الوطن حوض المنيه وقلبي يوصي على حبه عيوني والله إنــا دون سـلـمـان وولـيـه جيش ميداني وجيش إلكتروني

ياوقت   أنا   طيب   وأنا   أدري   ولكن ما   راح   من   عمري   كثر   ما   بقى   لي ظنيت   خير   فـ   من   أساؤ   بي   الظن وأنا   ياما   منهم   بدا   ما   بدالي   أنا   ماني   بمن   وأحارب   المن لكن   أنا   أهوجس   وأغني   و   ألالي دايم   وأنا   أضحك   للصواديف   لا   جن لين   الليال   السود   بلشت   بحالي وأستنشدت   عني   وقالت   هذا   من؟ اللي   يذوق   المر   ويقول   حالي أنا   الذي   صدره   حروبٍ   تطاحن وأنا   الذي   يشقي   حياته   لـ   غالي وأنا   الذي   يشتاق   ويحب   ويحن ولا   يؤمن   إن   الحب   عالم   خيالي لين   أنطوى   قلبه   مثل   طية   الشن بعد   أنكشف   له   ما   أسترته   الليالي وأنا ...

طالما إنك عارفٍ وش هو مكانك ليه تتعب نفسك بـ كثر الوصايا ‏لاتوصي واحدٍ بالحب صانك؟ تدري إنك ياخبل تروي ضمايا

الحب خالد والعرب مايعرفون ‏إن القلوب تحب لوهي ساليه ‏اللي يبيعون الجواهر يشترون ‏إلا الذي عنده جواهر غاليه