هذا ليا من قال ياراجح تعال

أفز له فزة غريب شاف أخيه

أغليه رغم أنه مسوي إحتلال 
‏محتلٍ قلبي كنه اللي مشتريه

‏‏إذا سأل أجاوبه قبل السؤال
‏أعرف تفاصيله وأعرف اللي يبيه
‏أشتاق له وأنا معه طول الليال
‏و أحسد عليه أحيان حتى والديه
‏
‏إذا تكلم ودي أعرف ويش قال
‏وإذ أبتعد عيني معه كنها تغزيه
‏أحاول إن غيري مايلقى له مجال
‏وأغار بعض أحيان من نفسه عليه

‏ختمت له كل المراحل في الوصال
 ويزيد حبه كل ماقبل يديه
رجال لكن غير باقي الرجال
 هذا كلام اللي يوصف قدر أبيه