قصائد راجح

يابشر قلبي من الدنيا عليل وطارت أوراقي وضيعت قلمي ‏كلما جمعت في وقتي حصيل ‏قالت الدنيا يابقعى هاجمي

صباح الأمل والحلم والعزم والإصرار ‏صباح القناعة بـ الذي كاتبه ربي

أجر الصوت وأفتح للحزن قلبي و بيبانه ‏ليا مني تذكرت الفراق اللي بعد ما صار

مستحيل إن السماء تمطر ذهب   ‏ومثل ما يقولون من جد وجد ‏مـا ينــول المجـد آلا مــن تـعــب ‏وما يحصل شيء رجالٍ رقد 

إذا كتب لي ربي بسوي شي محد سواه أو فكر به ‏بسخر جهودي وبشعل ضوي ‏وبحي البسمه بوجه الكربه 

وش حيلة اللي كل ماقال أبنام جاته طوابير الهواجس مغيره ‏والمشكله لا من بناء برج الأحلام ‏يجيه من حظه لـ برجه ذخيره

ياغفار الذنوب أغفر ذنوبي ياربي يا إلهي يارجايه ‏يجور الحمل ويفتق جنوبي ‏وأنا مالي سوى رحمتك غايه ‏دروب أهل الردى ماهي دروبي ‏ولا قد سقت لـ رضاهم خطايه ‏⁧‫‏ولكن بين حساد وكذوبي ‏يصدق طيب القلب الوشايه

قد ماتقدر تجمل فالرجال ‏الرجال اللي يحفظون الجميل ‏وأعلم أن الوقت لو في يوم مال ‏فعلك الطيب بيجيب المستحيل

إذا جينا محلات النشامى ‏نجمل ربعنا ونسد عنهم ‏كرام ولا نزور إلا كرامى ‏وكسب الوافيه منا ومنهم ‏

 ياصباح الخير والخير يبدأ بالصلاه ‏حظ من صلى مع أهل المساجد ماكسل

قضيت   من   عمري   ثلاث   وعشرين ‏ وجلست   أحسب   مكسبي   والخساره ‏ ‏ وطلعت   متحمل   على   عاتقي  ..  دين ‏ وأنا   أحسب   إني   قد   خذيت   الصداره ‏ ‏ قالو   لي   أمش   يمين   وعلومك   تزين ‏ مير   البخت   عندي   يمينه   يساره ‏ ‏ عشت   بنظام   بعمري   سنين   وسنين ‏ أسعى   ورا   حقي   وطال   إنتظاره ‏ ‏ واقف   وأشوف   الناس   فالدرب   ماشين ‏ والسبه   إني   ماقطعت   الإشاره

 قالو من أنت قلت أنا راجح بن معيض ‏شاعر و أغني بعض الأحيان بألحـان ‏مرات أغني هيض مرار من غيض ‏وإليا كتبت أكتب جزيلات الأوزان 

أبشر أبشر با النشاما ياوطنا كلنا دونك صفوف عسكريه ‏ ‏والله إنا ياوطنا ما تونا والله إن أروحنا لجلك هديه ‏ ‏حن سعوديين لا من قلت حنا  فزعة المحتاج وستار البنية ‏ ‏لا دعانا شامنا ولا يمنا  تنطبخ في روسنا عز وحميه ‏ ‏من طمع فينا لا والله ماتهنا  والله إن يبطي وهو روحه شقيه ‏ ‏يا مودى العلم ردى العلم عنا  للوطن لو نارد حياض المنية ‏ ‏يومها بالخيل والسيف المحنا  ويومها بالطايره والمدفعيه ‏ ‏الدخيل نعزه شانه لا زبنا  ما يهون بضلنا والنار حيه ‏ ‏يا وطن حبك سكن فينا ومنا  ورث من عهد الجدود الأوليه ‏ ‏قالها راجح من هجوسه وغنى  والفخر عنوان والدافع حميه ‏

لو يرجع الوقت ماسلمت لك روحي ‏وفي ذمتي ماتركتك تهتني فيها ‏لاتعتذر لو تعذر قلت مسموحي ‏لإني عرفت إن حاميها حراميها

ياموطني يخسون والله ويهبون  دونك مطاليقٍ على الموت وردو   ياموطني واللي بحدك يطمعون لاوالله إلا يوم طمعوا بك غدو   ياموطني دامك على الغالي تمون ياموطني فأرواحنا دونك فدو  ياموطني حنا على حدودك عيون أترك لنا الهم وأنت عش عمرك هدو  حنا هلك والله وطنا مايهون حنا هلك حنا عمى عين العدو  حنا على الهقوه معديت الظنون واللي يظن بنا ترا ظنه حدو  حنا الحميه عندنا مثل الجنون أزين لكم ياهل المطاميع أركدو   حنا ليا كبرت وعمسن العيون نكسر أعدانا في الرواح وفي الغدو من دون قاصر والنشاما يكرمون من دون حد المملكه حظر وبدو ‏

 سرى من الليل ثلثينه وأنا صاحي ‏أشاور الليل في همي ولا يسمع ‏ياليت همي بشر ويموت بسلاحي ‏ولا ياليته بعد ماصار بي يقنع

 ياصغير العقل خل الفعل لأصحابه   ‏مالك ومال السوالف يابن الأجوادي  ‏ جينا بها غصب يوم النار شبابه و شلون وقت الرخا ماتعتبر عادي!؟ 

البرد والله برد الروح ‏وإلا الجسد تقدر تدفيه ‏لو تبرد الروح وين تروح ‏رح للذي كلنا نرجيه ‏⁧‫

يابوي أنا ربي خلقني لثنتين ‏لعبادته ثم لخدمتك ياغناتي ‏ما أقول غير الله يخليك .. آمين ‏لأنك وطن روحي ومعنى حياتي ‏⁧‫‬⁩

 جلست أقلب أبياتي وأجنب كل منقودي ولقيت الزبده الآتي بلا نقص وبلازودي ‏أنا سعودي إماراتي وأنا إماراتي سعودي

لاجيت أستقبلك تذرف دموعي ‏وبعد تذرف دموعي فالوداع ‏سبب ماصارلي إنك قطوعي أنا طالبك وقف إنقطاع

لاضاق صدري وأنفجر به قلبي ‏وش حيلتي يوم إن مابه حيله ‏إن قلت أبشكي وأستجير بربي ‏والله مالي وجه كيف أشكي له

 ياصلاتي عن ذنوبي دثريني ‏دثريني عن ذنوبي ياصلاتي ‏ضاق صدري وأنفجر دمعي بعيني ‏والسبايب كلها من سيئاتي ‏ ‏

 الصباح شعور لايمكن يعبر ‏غير بأن الله كتب لك عمر ثاني ‏ ‏فأحمد الله وأشكره ولا تكبر ‏عش حياتك وأبتسم والعمر فاني

ياربي إنّي قد أُصبت بعلة ‏فـ لتشفني أنت القدير الشافي إن كُنت قد جازيتني عن زلةٍ ‏فـ لتغفر الذنب الجلي والخافي .

صدري بِه علوم وعلوم ‏أثقل من جبال السرات ‏لكن صدرً بلا هموم ‏ماهو على قيد الحياة

هيه يا راعِ الطموحات الكبار تدري أن غيرك طموحه بس بيت ‏ يستره عن برد عن حر وغبار ويستر عياله ويحفظ له مبيت ‏⁧‫

الله يا كثر القصيد ‏اللي بصدري كاتمه وإذا أسألوني به جديد ‏أدعي بحسن الخاتمه 

في ذمتي ماتنطبق كلمة العز ‏إلا عليهم ياعساني فداهم ‏لو بطلب أصغرهم على الكايده فز ‏ولاخاب من هو فالمواقف نخاهم ‏⁧‫‬⁩

لي عام وأنا ودي اقول ... أحبك لكن قلبي خاف ما شد حيله ‏⁧‫‬⁩

أفرح ب معرفة النشاما المطاليق ‏و أعنى لهم تقدير من دون حاجه ‏ ‏⁧‫

العقل يبنى بالقراءة ‏والوقت يفهم بالتجارب ‏والحق لو قيل بجراءة ‏ما يهرب من العدل هارب

في ذرى الله ثم في ظل أخو نورة ‏عـاشت بـــلادي والأبطال تحميها ‏ ‏كـــل عـام ورايـة الـعـز منــشـورة ‏عز حاضرها من أمجاد ماضيها

كــل ما أتمنى ألتقيك     وأموت جنبك و أحيا             ‏صل الله وسلم عليك        ياخير كل الأنبياء ‏             ‏⁧‫

والله ماعمري حسدت إبن آدم ‏ﻷن الحسد طبع لـ ضعيف الهمه ‏أبذل وأتفائل بما هو قادم ‏أما أستوت ولا عصبت العمه ‏⁧‫

هذا ليا من قال ياراجح تعال أفز له فزة غريب شاف أخيه أغليه رغم أنه مسوي إحتلال  ‏محتلٍ قلبي كنه اللي مشتريه ‏‏إذا سأل أجاوبه قبل السؤال ‏أعرف تفاصيله وأعرف اللي يبيه ‏أشتاق له وأنا معه طول الليال ‏و أحسد عليه أحيان حتى والديه ‏ ‏إذا تكلم ودي أعرف ويش قال ‏وإذ أبتعد عيني معه كنها تغزيه ‏أحاول إن غيري مايلقى له مجال ‏وأغار بعض أحيان من نفسه عليه ‏ختمت له كل المراحل في الوصال  ويزيد حبه كل ماقبل يديه رجال لكن غير باقي الرجال  هذا كلام اللي يوصف قدر أبيه

أشتقت لك شوق الغريب لداره ‏لكن هاذي ماهي بمشكلتي ‏مشكلتي إني صرت أنادي الماره ‏أسألهم ولا يفهمون أسألتي أقولهم دلوني الطياره  ويتبسمون بدافع مجاملتي

في ركعة الوتر شي لوتعرفونه ‏تتقاتلون بسيوف الحرب تبغونه ‏في ركعة الوتر كل أحلامنا تبنى ‏وأحلامنا في ذرى الرحمن مضمونه

حنا نسوق الروح لعيون الخوي يبشر بفزعتنا خطا ولا قدا ‏ ‏حتى لو إن الوقت ماهو بمستوي ‏تكرم شواربنا عن دروب الردا

إبتسم بالغصب ولا بالرضا إبتسم حتى لو إن الحظ ماش  ‏ ‏الخواطر نار والحزن الغضا ‏والقلوب ديار والبسمه ارشاش

اللي حياته كل أبوها إنتقاد ‏ماهو وكيل آدم على ذريته ‏الإنتقاد إن كثر ماعاد فاد ‏هذا لو إن الفايده من نيته

أحدٍ مخاواته فقر ‏وأحدٍ مخاواته غناه ‏ ‏واحدٍ ليا شلع صقر ‏واحدٍ ليا شلع قطاه ‏

 ياصاحبي ياللي سكن في صدرك أنواع الهموم ‏أنا بوصفك الدواء والهم يامسهل دواه ‏خلك مع الله وأذكره ف كل يوم ‏أمك وأبوك برهم ولا تفرط بالصلاه

حلاوة الشكل مطلب بس ماتبقى وحلاوة الروح تبقى مابقت روحك يا أبن آدم أضحك وعش عمرك ولا تشقى كلٍ معه جرح وأنت أصبر على جروحك

شربت المرجلة من كف جدي ‏وورثت الطيب ورثه من خوالي ‏ولو جار الزمن ما باح سدي ‏و على رب المخاليق إتكالي

أشب النار و أسولف لروحي ‏يزيد الشوق وأزيد حطبها أنقض مع هواجيسي جروحي  ‏وأحسب حسبةٍ ما أحدٍ حسبها

 لو قرر العالم يأذونك وربي مايريد ‏والله مايقدر ولا واحد يأذيك بنفس

أكتفيت من المجامل والنفاق والقصيد أصبح مسبب لي زهق أحتملت أشياء لا يمكن تطاق و حظي اليا جيت له عاني فهق

لو حسبت حساب غبران النوايا ‏ماتهنيت بحياتي بالسلامه ‏من رجاحة عقل طنشت الحكايا ومن طناخة راس ميلت العمامه

ياصباح الخير يالوجه البشوش ‏أبتسم ما دامت الدنيا بخير ‏غير رزقك والله إنك ماتحوش ‏وغير ماقدر لك الله ما يصير

أنا ليا مني نظرت بنص عين ‏لاتحسب أن الكبر دافع نظرتي ‏نظرت لك لأني من فراقك حزين ‏ولا ودي أن الحزن يطرح عبرتي

أحدٍ ليا من شفت وجهه تبسمت لأن شوفته طيب وغناه وغنيمه ‏و أحدٍ ليا من شفت وجهه تبلمت ‏تقول كني شايف لي جريمه

إلي متى وانا أحتري قلبك يلين ‏وإلى متى وأنا عيوني ساهره ‏وإلى متى وأنا أزهمك في كل حين ‏وإلى متى وعروق قلبي صابره

تدري وش أحلى كلمةٍ تطرا لي ‏ولا قلتها ينزاح عني همي ‏ ‏حتى لو إني جالس ٍ بلحالي ‏أقفل عيوني وأردد.. أمي أمي أمي

تكفى ياربي لا دفنوني بكره ‏يسر لي من الناس من يدعي لي ‏ ‏إبن آدم ليا من نزل في قبره ‏ماعاد له قوه ولا له حيلي 

يازمن وقف دقيقه أنصدمت من الحقيقه ‏مابقى للصدق معنى ‏كل ماتبني علاقه تبتلش لك في رفاقه شرها منا ومنا

للوقت في صدري طعون وأخفيتها بالكبريا ‏تمون ياوقتي تمون أصلا أنا وأنت أخويا 

لو تدري الناس وش ف خاطري قالت ‏لله درّك وش مصبرك ياراجح ‏على كثر ما جرى دمعتك ما سالت ‏وعلى كثر ما أستخفّوا راجحٍ راجح

أرمني ياعاذلي في وسط صدري ‏لا تـقـفـاني وتـرمـيـنـي خـديـعـة ‏ببتسم لك لإني أعرف ويش قدري ‏بس خل طعونك بصدري سريعه

أنت ياراعي الهموم أسمع كلامي ‏أبتسم للوقت .. تهنى لك حياتك ‏كم صباحٍ شق جدران الظلامِي ‏وكم من هموم غدت من ذكرياتك

طوع النفس الجموح الغاويه وأعلم أن درب الردى حبله قصير ‏ ‏الذنوب ذياب شهب عاويه لو تمكن منك ماعينت خير