قصائد راجح

من أول اشوفها الدنيا وما فيها  ‏واليوم ماعاد لي فيها ولاحاجة

عندي من الأخطاء كثر مايكفي إنك ترحلين  ‏ماني ملاك أنا بشر لا ني يسار ولا يمين  ‏عايش ولا ني مستقر تصعب علي لكن تزين  ‏ولا بوعدك لأن القدر بيدين رب العالمين ‏بحاول أهدي لك عمر بدون حلف ولا يمين  ‏وبخاشرك قلبي خشر والله على حبك يعين  ‏وإذا غلطت أبعتذر وبغلط بعدها مرتين  ‏وبجسد أسماعي صبر وبسامحك لو تغلطين  ‏ولا بسكنك بقصر بسكنك بيتٍ حصين  ‏يصونا عن كل شر وعن عيون الحاسدين  ‏وبكن لك حب وقدر وإذا طلبتي تبشرين  ‏كم صار لي وأنا أنتظر يافرحتي متى تجين؟ ‏قبلك حياتي ماتسر وصكاتها فيني تبين  ‏في كل ليل أكتب شعر أكتب شعر لكن لمين ‏أنا تعبت من السفر متى محطتنا تحين؟  ‏لو إن لنا نفس القدر .. بتوافقين بتوافقين